Second Class Language?

Kung titignan mo ang mga tao sa Pilipinas ngayon, hiwa-hiwalay na tayo. May grupo ng mayayaman, grupo ng mamahihirap, grupo ng mga straight, grupo ng gays, at sa gays syempre kasama na dun yung mga tibo. At eto pa ang pinakamasaklap, mga nagtatagalog at mga "conio." Pero kung tatanungin mo sila kung anong lahi nila, eh puro naman mga Pilipino.

Dati hindi ko ma-express kung ano ba ang problema sa pag-i-english. Alam ko yung problema kaso hindi ko ma-express sa mga salita. Pero dahil sa isang tao na nagsabi sakin, alam ko na ngayon kung pano i-express sa mga salita. Gaya nga ng sabi ko sa Colonial Mentality, wala naman masamang mag-english eh. Ang masama lang ngayon, ang english ang ginagamit na language para mang-mata ng ibang tao. Sabi nga sa isang kupal na teleserye na nakalimutan ko na yung title kasi hindi ko hilig manood ng mga palabas na hindi pinag-isipan, "Don't stoop down to their level." At kapag may mga nagbabangayan sa Facebook, ano ang ginagamit para magmuka silang edukado? English din. Tangina kahit mag-english kapa kung papatulan mo yang mga troll sa internet eh hindi ka naiiba sa kanila. 

Bitter ba ko sa mga conio? Hindi rin. Actually hindi ako fluent, pero nakakausap ko naman ng maayos yung mga pinsan ko sa London ng hindi nauutal. Hindi na nga tayo sakop ng America pero ang utak parin natin colonial. Sa high school naaalala ko, pag nagsalita ka ng tagalog bayad piso. Magbabayad ka ng piso dahil lang nagsalita ka gamit ang pambansang wika. Sabi nila magagamit daw yun paglaki. Ahh, kaya pala pag laki ng mga bata eh gusto nilang pumuntang america at dun magtrabaho at para narin magkaron sila ng "american eksunt." Tayo ang sumisira sa sarili nating bansa. Kaya konti nalang ngayon ang mga makabayan. Kasi cool mag-english eh. Pag nagtagalog ka, wala baduy ka, olats. Pag nag-ibang bansa ka, astig ka na agad.

Hindi nila naisip, sino bang nilalait nila, diba sarili rin nila? Kasi Pilipino tayo eh. Hindi natin mababago ang lahi natin kahit ilang taon pa tayong magburo sa ibang bansa. Kaya ayan tuloy, English ang naging first class language sa "Pilipinas" habang ang Filipino naman ang naging second class language. Kung yan ang isip mo, ibig sabihin pumapayag ka na mas mataas na klase ng tao ang mga kano at tayo eh inferior lang. May nagsabi nga sakin, mayayabang tayo sa isa't-isa pero wala tayong yabang sa ibang bansa.