PNoy's SONA 2011

"Itigil na po natin ang paghihilahan pababa... Tuldukan na po natin ang pagiging utak alimango."
  -PNoy


July 25, 2011, ang pangalawang SONA ni PNoy. Kung ikukumpara mo ang SONA ni PNoy sa ratings niya, hindi magkatugma. Bakit nga ba? Siguro kasi hindi katulad ni dating Pangulong Arroyo, hindi niya pinapaskil sa buong bansa ang muka niya sa mga poster at banner. Maraming magagandang nasabi si PNoy pero ang pinakagusto ko sa mga sinabi niya ay ang tungkol sa mga Pilipinong hindi marunong pumuri sa Pilipinas. Eto nanaman ang utak kolonyal.

Pero kung iisipin mo, marami nga bang nagawa si PNoy sa unang taon ng pamumuno niya? Kung iisipin mong mabuti ang SONA niya, parang mas marami siyang sinabi tungkol sa mga maling nagawa ng dating administrasyon kesa sa kalagayan ng bansa. Ang naaalala ko lang sa mga sinabi niya na kalagayan ng bansa eh ang pagtaas ng stocks at pagbaba ng 5% sa mga nagugutom na pamilya.Yung iba eh tungkol na sa mga overpriced na second hand helicopters at mga nabulok na kanin na imported. Kaya nga State of The Nation eh. Ginawa ang SONA para malaman ng mga tao ang kalagayan ng ating bansa. Oo, ating bansa kasi ang Republika ng Pilipinas lang ang may SONA. Ang konsepto daw na ito ay nanggaling kay Andres Bonifacio ng magtalumpati siya ng Kalagayan ng Katipunan o ang State of the Katipunan or SOKA(parang Datu Puti lang ah).

Gaya ng sabi ko, parang konti lang ang sinabi ni PNoy tungkol sa kalagayan ng bansa. Kaya siguro nag-rally ang mga aktibistang Fil-Am sa New York kasi hindi rin sila kuntento sa mga pinagsasabi ni PNoy sa SONA niya. Pero bakit nga ba konti lang? Meron kaya siyang tinatago? Ayaw niya sigurong sabihin ang totoong kalagayan ng bansa. Pero siguro yung mga bagay lang na gusto nating marinig ang mga sinabi niya, hindi na niya sinama ang bad news. Kung sabagay, sino bang may gusto ng bad news?

Hindi ko sinasabing mali si PNoy, ang totoo pa niyan eh natutuwa ako kasi kahit konti naman eh nagkakaron ng improvements sa ating bansa. At least wala pa naman siyang pinapakitang ugaling corrupt or kung sa kanya eh "ugaling wang-wang." Kung makabayan ka katulad ko, mararamdaman mo rin ang pride sa pagiging isang Pilipino na tumataas pati na rin ang morale dahil sa SONA ni PNoy.