Sabi ng MMDA eh nabawasan daw ng 24% ang bilang ng aksidente sa Commonwealth Avenue simula ng ipatupad yung 60 kph speed limit. Mabuti naman kung totoo nga yung sinasabi nila. Pero eto, sabi naman ni QC Reperesentative Winston Castelo, ipatupad na daw ito sa buong Metro Manila. Teka lang, nakadaan na kaya siya sa España? Kasi sa pagkakaalam ko, hindi na kailangan ng 60 kph speed limit dahil mabagal na talaga ang takbo ng mga sasakyan dahil sa traffic. Hindi lang naman dahil sa bilis ng takbo ng sasakyan kaya naaaksidente yung mga tao eh. Dahil din yan sa mga walang disiplinang mga motorista.
Ayon sa bill na pinapasa ni QC Rep. Winston Castelo, kakailanganin daw ng 100 Million para makabili ng mga gamit para sa bill. Ahh kaya naman pala eh. Kick back nanaman. Pero okay lang yun. Hindi pa ba tayo sanay? Kahit nga harap-harapan tayong niloloko ng mga yan eh wala naman tayong ginagawa. Siguro may ginagawa nga tayo pero pagkaraan lang ng mga ilang buwan eh nakalimutan na agad natin yung ginawa ng mga corrupt na officials na yan. Parang walang nangyari.
Bakit hindi sila magfocus sa paghuli ng mga walang disiplina at loko-lokong mga driver? Yang mga driver na kung saan saan lang nagbababa. Lalo na yang mga malalaking bus na perwisyo talaga ng daan. Kaya nga merong Loading and Unloading Zone eh. At minsan pa, pag nakikitang nag-orange yung traffic light eh lalong bibilisan. Basketball ba 'to at kelangan laging buzzer beater? O baka naman hindi lang ako informed na ang ibig sabihin na pala ng orange na traffic light eh "Speed Up" imbis na "Slow Down". Siguro slow lang talaga ang mga driver nato o kaya sana eh natatae na at nagmamadaling magpunta sa banyo.
Marunong kaya silang magbasa? Pero pano sila nagkaron ng lisensya kung hindi sila marunong magbasa at magsulat? Ah ewan, basta ang mabuting gawin sa mga gagong yan eh hulihin at wag na ulit bigyan ng lisensya kung hindi talaga maitatak sa kokote nila na meron tayong "Traffic Rules." Hindi ako mahilig sa politika pero sana wag sila pasa ng pasa ng mga batas na hindi naman din nasusunod,
Walang komento:
Mag-post ng isang Komento